“Ўзметкомбинат”га ингичка пўлат ишлаб чиқаришни йўлга қўйиш учун $22 млн ажратилди

Тошкент.  13 март. ЎзТАГ – “Ўзбек металлургия комбинати” ОАЖ Ўзбекистон Тикланиш ва тараққиёт жамғармасидан ингичка пўлат ишлаб чиқаришни йўлга қўйиш учун $22 млн миқдорда кредит олди, дея хабар беради РИА Новости.
Агентлик маълумотларига кўра, янги ишлаб чиқаришнинг лойиҳа қуввати йилига 100 минг тонна ингичка пўлатга тенг. Лойиҳани амалга ошириш 2014 йилнинг охирига мўлжалланган. Хитойнинг Capital Engineering & Research Incorporation Limited компанияси лойиҳага ускуналар етказиб беради. Умумий қиймати $30 млн бўлган лойиҳага жамғарма кредитидан ташқари комбинатнинг ўз маблағи ҳам жалб этилмоқда.
“Ўзметкомбинат” ОАЖ – Марказий Осиёдаги металл қолдиқларида ишловчи ягона қора металлургия корхонасидир.2013 йил якунларига кўра, комбинат пўлаб ишлаб чиқаришни 746,2 минг тоннагача кўпайтирди. Бу, 2012 йилдагига қараганда 1,3% кўп демакдир.