“Ўзнефтмаҳсулот” компанияси бензиннинг сунъий танқислигига йўқ қўймаслика ҳаракат қилмоқда

Тошкент. 20 октябр. ЎзТАГ – “Ўзнефтмаҳсулот” компанияси бензиннинг сунъий танқислигига йўқ қўймаслика ҳаракат қилмоқда, деб хабар беради Ўзбек телеграф агентлиги (ЎзТАГ).  

Компания Тошкентдаги айрим автомобилларга ёнилғи қуйиш шохобчаларида автобензинга навбатлар кузатилгани тан олди, лекин “вазият мижозларнинг ҳақли эътирозларига сабаб бўлаётгани”ни тушунтириб ўтди.

Ёнилғи тақчиллиги сабаблари орасида шаҳримизга вилоятлардан қатнаётган кўпчилик автомобиллар эгалари “турли йўллар билан керагидан ортиқча миқдорда автобензин олиб чиқиб кетишмоқда”лиги айтилган. Яна бир сабаб эса бундан кейин АЁҚШларда автобензин камайиб кетар экан, деган мишмиш келтирилган.

Бундан ташқари, “Ўзнефтмаҳсулот” автомобиллар сонининг йилдан-йилга кўпайиб бораётганлиги ҳам юқоридаги бензин тақчиллигининг муҳим омиллардан бири бўлиб хизмат қилмоқда деб ҳисоблайди.  

Ширкат хабарига кўра, “мамлакатдаги нефтни қайта ишлаш заводлари ёнилғи маҳсулотларини етарли ишлаб чиқармоқда ва бундан буён АЁҚШларга нафақат белгиланган миқдорда, балки унга қўшимча миқдорда ҳам автобензин етказиб бериш режалаштирилмоқда”. Истеъмолнинг ошаётгани эса, ҳисобга олинмоқда.   

Шу билан бирга, “Ўзнефтмаҳсулот” нефтни қайта ишлаш заводларида автобензин ишлаб чиқариш миқдорини мумкин қадар кўпайтириш, шунингдек, четдан қўшимча миқдорда углеводород хом ашёсини келтиришни оширишни режалаштирмоқда.

Шу сабабли ширкат автомобилчиларни миш-мишларга ишонмаслик, эҳтиёждан зиёд миқдорда ёнилғи ғамламасликка, шу орқали юқоридаги ҳолатларга қарши курашишга чақирди.