“Ўзсаноатқурилишбанк” активлари 14,55% ўсди
Тошкент. 13 сентябр. ЎзТАГ – 2016 йил II ярим йиллиги якунлари бўйича “Ўзсаноатқурилишбанк” акциядорлик-тижорат банкининг активлари ўтган йилнинг муқобил даврига нисбатан 14,55% ўсиб, 9,19 трлн сўмга етди, деб хабар беради Ўзбек телеграф агентлиги (ЎзТАГ).
Ушбу маълумотлар “Аҳбор-Рейтинг” рейтинг агентлиги томонидан келтирилиб, банкка миллий шкала бўйича “узА+” кредит рейтингини тасдиқлади ва шу билан бир вақтда рейтинг бўйича прогнозни “барқарор” даражасида белгилади.
Банкнинг соф кредит портфели 7,69 трлн сўмни ташкил қилди (+18,07%) ёки банк ялпи активларининг 83,67% тенглашди.
“Ўзсаноатқурилишбанк” АТБнинг инвестицион портфели 118,9 млрд сўмгача (+6,08%) ёки банк ялпи активларининг 1,29% тенглашди. Айни пайтда бир қимматли қоғозларига қўйилган сармоянинг максимал миқдори меъёрдаги 0,15 бўлган ҳолда 0,004 ташкил қилди.
