“Ўзсаноатқурилишбанк” иқтисодиётга деярли 7 трлн сўмлик кредитлар берди

Тошкент. 11 декабр. ЎзТАГ – 2015 йилнинг 11 ойида “Ўзсаноатқурилишбанк” акционерлик тижорат банки томонидан иқтисодиётнинг реал секторига ажратилган кредитлар портфели 6 трлн 988,4 млрд сўмни, хусусан, чет эл валютасида ажратилган кредитлар портфели 5 трлн 490,9 млрд сўмни ташкил қилди, деб хабар беради Ўзбек телеграф агентлиги (ЎзТАГ).

Банкдан маълум қилишларича, банкнинг умумий капитали 2015 йилнинг 1 декабр ҳолатига 856,3 млрд сўмни ташкил қилди. Ҳисобот даврига келиб банк низом капитали 671,1 млрд сўмни ташкил этди.

Эслатиб ўтамизки, “Ўзсаноатқурилишбанк” АТБ республиканинг энг йирик банкларидан биридир. 2015 йилнинг 1 апрелига келиб банкнинг 44 филиалларида 40 мингдан ошиқ хўжалик субъектлари ва 960 мингдан зиёд жисмоний шахсларга хизмат кўрсатилмоқда.

Бугунда банк тизимида 42 мини-банк, 54 омонат кассаси, 44 махсус кассалар, 151 тўловлар қабул қилиш пункти, 91 халқаро пул ўтказмалари пункти ва 52 валюта алмаштириш пунктлари фаолият юритмоқда.