“Ўзсаноатқурилишбанк” кичик бизнeсга 1,1 трлн сўмдан зиёдлик кредитлар берди

Тошкент. 26 январ. ЎзТАГ – Ўтган йилда “Ўзсаноатқурилишбанк” кичик бизнeсни қўллаб-қувватлашга 1,12 трлн сўмдан зиёдлик кредитлар берди, деб хабар беради Ўзбек телеграф агентлиги (ЎзТАГ).

“Ушбу маблағлар 3869та кичик бизнес вакилларига ажратилди. Бу кўрсаткич ўтган йилнинг шу даврига нисбатан 1,3 баробарга кўпдир. Жумладан, 2952та тадбиркорларга берилган микрокредитлар ҳажми 112 млрд сўмни ташкил қилиб, 31%га кўпайган. Ажратилган кредитлар ҳисобига эса иқтисодиёт тармоқларида 9850та янги иш ўринлари яратилди”, - деб таъкидлашди банк матбуот хизматида.

Банк мутахассисларининг фикрига кўра, кичик бизнeс корхоналари ажратилган кредитлар ёрдамида айланма маблағлар билан таъминланди, ишлаб чиқариш қувватларини кенгайтириб, экспорт салоҳиятини оширди.