“Ўзсаноатқурилишбанк” миллий валютада ватанпарварлик омонатини очди
Дата: 06:57, 12-08-2016.
Тошкент. 12 август. ЎзТАГ – Ўзбекистон Мустақиллигининг 25 йиллиги олдидан “Ўзсаноатқурилишбанк” ўз мижозларига миллий валютада “Бетакроримсан, Ватаним” номли янги муддатли омонатни таклиф қилди, деб хабар беради Ўзбек телеграф агентлиги (ЎзТАГ).
АТБ маълумотларига кўра, омонатнинг қулай шартлари аҳолининг ўз маблағларини банкларда сақлашга бўлган қизиқишини янада орттиради.
Мазкур омонатга пул маблағлари нақдсиз шаклда жисмоний шаҳсларнинг пластик карточкалар орқали қабул қилинади ва ҳисобланган фоизлар ҳам пластик карточкага ўтказиб берилади.
Айни пайтда “Ўзсаноатқурилишбанк” АТБ омонатнинг сир қолиши ва зиммасига олган мажбуриятларнинг бажарилишини кафолатлайди.
