“Ўзсаноатқурилишбанк” республикадан ташқарида ҳам конвертациясиз ишлатиш мумкин бўлган картани чиқарди

Тошкент. 24 май. ЎзТАГ – “Ўзсаноатқурилишбанк” АТБ республикадан ташқарида ҳам конвертациясиз ишлатиш мумкин бўлган сўмли “VISA” картасини чиқарди, деб хабар беради Ўзбек телеграф агентлиги (ЎзТАГ).

Банкнинг маълумот беришича, энди хорижга чиқувчилар учун сўмни конвертация қилишнинг зарурати йўқ.

Банк карталарини “Ўзсаноатқурилишбанк”нинг исталган филиалидан олиш ва пластик карточкани нақд пул, иш ҳақи тўловлари, омонат ёхуд бошқа пластик карточкадаги маблағлар ҳисобидан исталган миқдорда ва исталган вақтда тўлдириб туриш мумкин.

Таъкидланишича, миллий валютадаги “VISA” пластик карточкаларидан чет эл давлатларида ушбу давлатларда белгиланган валютада ёки интернет тармоқларида операцияларни амалга ошириш мумкин.

Сурат манбаи: https://ru.sputniknews-uz.com/Uzbekistan/20180420/8007860/uzpromstroybank-razreshil-rasplachivatsya-sumovymi.html