“Ўзсанотқурилишбанк”нинг ялпи капитали 877 млрд сўмгача ўсди

Тошкент. 11 феврал. ЎзТАГ – 2016 йилнинг 1 феврал ҳолатига “Ўзсанотқурилишбанк” АТБнинг умумий капитали 877 млрд сўмни ташкил қилди, 2015 йилнинг 1 декабрида ушбу кўрсаткич 856,3 млрд сўмга тенг эди, деб хабар беради Ўзбек телеграф агентлиги (ЎзТАГ).

Айнан шу санага банк устав капитали 698 млрд сўмни ташкил қилганлиги ҳам хабар қилинган (1 декабрга келиб 671,1 млрд сўм).

Банк томонидан иқтисодиётнинг реал секторига ажратилган кредитлар портфели 7,2 трлн сўмни, хусусан, чет эл валютасида ажратилган кредитлар портфели 5,7 трлн сўмни ташкил қилди.

Эслатиб ўтамизки, “Ўзсаноатқурилишбанк”АТБ республиканинг энг йирик банкларидан биридир. 2015 йилнинг ўртасига келиб банкнинг 44 филиалларида 40 мингдан зиёд хўжалик субъекти ва 960 мингдан ортиқ жисмоний шахсларга хизмат кўрсатилган.

“Ўзсанотқурилишбанк” тизимида 42 мини-банк, 54 омонат кассаси, 44 махсус кассалар, 151 тўловлар қабул қилиш пункти, 91 халқаро пул ўтказмалари пункти ва 52 валюта алмаштириш пунктлари фаолият юритмоқда.