“Ўзстандарт” агентлиги янги давлатлараро лойиҳалар муҳокамасига таклиф қилади
Дата: 18:27, 14-12-2016.
Тошкент. 14 декабр. ЎзТАГ – “Ўзстандарт” агентлиги барча манфаатдор юридик шахсларни қатор янги давлатлараро лойиҳалар муҳокамасида иштирок этишга таклиф қилади, деб хабар беради Ўзбек телеграф агентлиги (ЎзТАГ).
Жумладан, агентлик томонидан Ўзбекистонда жорий этилиши режалаштирилаётган гўшт-сут саноатидаги давлатлараро стандартлар муҳокама қилинмоқда. Таклифлар 20 декабргача қабул қилинади.
Шунингдек, агентлик томонидан вазирлик, идора, уюшма ва компаниялар таклифларига асосан 2017 йил учун Республика стандартлаштириш дастури лойҳаси ишлаб чиқилган.
Бу борада таклифларни 16 декабргача йўллаш мумкин.
Муҳокамада вазирлик, идора, уюшма ва компаниялар, тадбиркорлик субъектлари ва бошқа манфаатдор тарафлар қатнашиши мумкин.
