“Ўзстандарт” бир техник регламент билан 19 стандартни алмаштирди

Тошкент. 16 июл. ЎзТАГ – “Ўзстандарт” агентлигининг қарори билан 2015 йил 3 декабрдан бошлаб таълим муассасалари учун полиграфия маҳсулотларига талабларни белгиловчи стандартлаш бўйича 19 меъёрий хужжатлар кўнгилли қўллаш тарзига ўтказилади, деб хабар беради Ўзбек телеграф агентлиги (ЎзТАГ).

Уларнинг ўрнига “Таълим муассасалари учун полиграфия маҳсулотларининг хавфсизлиги тўғрисида”ги умумий техник регламент амалга киритилмоқда.

Техник регламент Вазирлар Маҳкамасининг 2015 йил 3 июндаги қарори билан тасдиқланган бўлиб, 3 декабрдан кучга киради. Қарорга мувофиқ, техник регламент амалга киритилганидан сўнг қатор меъёрий хужжатлар мажбурий характерини йўқотиб, кўнгилли амал қилиш тарзига ўтказилади.

Бундан олдинроқ ЎзТАГ умумий техник регламент мактабгача, умумий ўрта ва ўрта махсус касб таълимида фойдаланиладиган полиграфия маҳсулотлари хавфсизлигига талабларни белгилашини хабар қилган эди. Унинг талаблари ёзув учун маҳсулотлар, ўқув нашрлари, қўшимча таълим нашрларига тегишли бўлади.

“Ўзстандарт” агентлигининг маълумотларига кўра бугунда Ўзбекистонда 3 умумий техник регламент ва 5 махсус техник регламентлар амал қилмоқда.