1 июлдан бошлаб Ўзбекистон Украинадан товарлар олиб кириш учун қўшимча йиғим белгилади
Тошкент. 25 июн. ЎзТАГ – 1 июлдан бошлаб Ўзбекистон Украина ишлаб чиқарилган товарларни олиб кириш учун қўшимча 10%гача бўлган йиғим белгилади. Ҳукуматнинг бунга доир тегишли қарори пайшанба куни матбуотда эълон қилинди.
Хужжатга мувофиқ, 2016 йилнинг 1 июлига қадар биринчи гуруҳдан 24-гуруҳгача бўлган ТИФ ТН код гуруҳларига кирувчи товарлардан 10% миқдорда, 25-гуруҳдан 97- гуруҳгача бўлган ТИФ ТН код гуруҳларига кирувчи товарлардан 5% йиғим олинади.
Қўшимча йиғимлар жорий этиш ҳақидаги қарор Украинада “Украина бюджет балансини 1994 йилги тарифлар ва савдо бўйича бош келишувнинг XII моддасига мувофиқлаштириш бўйича чоралар ҳақида”ги қонуннинг қабул қилиниши билан боғлиқ.
2014 йилнинг августида украина томони россия билан товар айланмаси қисқариши шароитларида Ўзбекистон билан эркин савдо ҳудуди ташкил қилиш имконияти ҳақида маълум қилган эди. Аммо ҳозирга келиб ҳам ушбу соҳада амалий иш қилингани йўқ.
