1 июлдан бошлаб Ўзбекистонда газ ва электр учун тўловнинг янгича тартиби жорий этилмоқда
Тошкент. 30 май. ЎзТАГ – 1 июлдан бошлаб Ўзбекистонда табиий газ ва электр энергия учун тўловнинг янгича тартиби жорий этилмоқда, деб хабар беради Ўзбек телеграф агентлиги (ЎзТАГ) давлат раҳбарининг тегишли фармонига асосланган ҳолда.
Хужжатга мувофиқ, истеъмолчи – жисмоний шахслар ҳар ойнинг 10 санасига қадар ўтган ойда фойдаланилган энергия ресурслари учун тўлиқ ҳисоб-китоб қилишлари шарт. Ушбу муддатда қарзи бўлган жисмоний шахслар электр ва газ тармоқларидан мажбурий тарзда узилади.
“Юридик шахслар ва якка тартибдаги тадбиркорларга энергия ресурслари олдиндан 100%лик ҳақ тўлаш асосида етказиб берилади. Олдиндан тўлов амалга оширилмаган ҳолда уларга электр ва газ тармоқларидан бутунлай узиб қўйиш чоралари кўрилади”, - деб таъкидланади хужжатда.
Электр ва газ тармоқларидан олдин узилган жисмоний шахслардан қайта улаш учун энг кам ойлик иш ҳақининг 2 баробари, юридик шахслардан энг кам ойлик иш ҳақининг 10 баробари миқдорида тўлов ундирилади.
1 ЭКИҲМ=149775 сўм
$1=3846,33 сўм
