1 июлдан Ўзбекистонда пенсияга чиқиш учун зарур энг кам стаж 7 йилгача оширилади
Тошкент. 27 апрел. ЎзТАГ – 1 июлдан Ўзбекистонда пенсияга чиқиш учун зарур энг кам иш стажи 7 йилгача оширилади, деб хабар қилади Sputnik.
“Фуқароларнинг давлат пенсия таъминоти тўғрисида”ги Қонунига киритилаётган тузатишларга мувофиқ, Ўзбекистонда пенсияга чиқиш учун зарур энг кам стаж 5 йилдан 7 йилгача кўпайтирилди. Ушбу тузатишлар президент Ислом Каримов томонидан имзоланиб, чоршанба куни матбуотда эълон қилинган қонунга мувофиқ киритилмоқда”, -дейилади хабарда.
Тегишли тузатишлар Қонунчилик палатаси томонидан 2016 йил 30 мартда қабул қилинган ва Сенат томонидан 2016 йил 31 мартда маъқулланган.
Қонунга мувофиқ, ёш бўйича пенсияга чиқиш учун зарур бўлган стажга эга бўлмаган шахсларга пенсия мавжуд стажга мувофиқ белгиланади.
Ҳозирда эркакларда пенсияга чиқиш учун зарур бўлган минимал иш стажи 25 йил, аёлар учун 20 йилни ташкил қилади. Мамлакат қонунчилигига мувофиқ, эркаклар пенсияга 60 ёшда, аёллар 55 ёшда чиқишлари мумкин.
Расмий статистикага кўра, 2015 йил якунлари бўйича Ўзбекистоннинг доимий аҳолиси сони 31,5 млндан ортган. Шулардан 2,8 млндан зиёди пенсионерлар. Help Age International ташкилотига кўра, 2050 йилга бориб Ўзбекистонда кексалар сони аҳоли умумий сонининг 19,4% ташкил қилади (ҳозир 8,8%).
