1 майдан ички вазифалар қўшинлари ИИВ таркибига топширилди
Дата: 18:11, 03-05-2017.
Тошкент. 3 май. ЎзТАГ – 1 майдан бошлаб Ўзбекистон Ички ишлар вазирлиги ички вазифалар қўшинлари яна ИИВ таркибига топширилди, деб хабар беради Ўзбек телеграф агентлиги (ЎзТАГ).
Бу ҳақида UzDaily.uz нашри Ўзбекистон Ички ишлар вазири Абдусалом Азизовга асосланган ҳолда хабар бермоқда.
Вазир сўзларига кўра, ушбу қарор жамоат тартибини сақлаш ва фуқаролар манфаатларини ҳимоя қилиш мақсадида қабул қилинган. Азизов ИИВ батальонлари ҳар доим мамлакат хавфсизлигини ҳар қандай ички ва ташқи таҳдидлардан ҳимоя қилишга тайёрлигини таъкидлади.
“Ички кучларни тайёрлаш ва қайта тайёрлаш бўйича доимий ишлар олиб борилмоқда. Бу мақсадда катта ёшдаги ходимларнинг тажрибасидан фойдаланилмоқда”, - деб қайд этди вазир.
