1 октябрдан Тошкент метросида ойлик йўл чипталари амал қила бошлайди

Тошкент. 29 сентябр. ЎзТАГ – 1 октябрдан Тошкент метросида ойлик йўл чипталари амал қила бошлайди, деб хабар беради Ўзбек телеграф агентлиги (ЎзТАГ) “Тошшахартрансхизмат” АЖ асосланган ҳолда.

“1 октябрдан бошлаб “Тошшахартрансхизмат” АЖ Тошкент метрополитени учун ойлик йўл чипталарини муомалага киритади”, - дейилади пайшанба куни тарқатилган хабарда.

Аниқлаштиришича, ойлик йўл чипталари “аҳолининг кундалик транспорт харажатларини иқтисод қилиш, сифатли хизмат кўрсатиш, ер усти ва ер ости жамоат транспортларини узвий боғлаш мақсадида” жорий этилмоқда.

Кўрсатилган муддатдан бошлаб мавжуд N (пенсиянерлар учун – автобус), T (талабалар учун – автобус), O' (ўқувчилар учун – автобус) ва АВ (умумий аҳоли учун – автобус) ойлик йўл чипталарига компания янги NM (нафақадорлар учун – автобус ва метро), ТM (талабалар учун – автобус ва метро), O’M (ўқувчилар учун – автобус ва метро) ва AVM (умумий аҳоли учун – автобус ва метро) сериясидаги ойлик йўл чипталари жорий қилмоқда.

N, T, O' тоифасидаги ойлик йўл чипталарининг баҳоси 60 минг сўм, NM, ТM, O’M ойлик йўл чипталарининг нархи эса 83 минг сўмга тенг. Шу билан бирга, AV тоифасидаги ойлик йўл чипталарининг нархи 120 минг сўм, AVM тоифасидаги чипта баҳоси 166 минг сўмга тенг.

Хабар берилишича, янги турдаги ойлик йўл чипталари 29 сентябр кунидан сотувга чиқарилган.

Эслатиб ўтамизки, Тошкент метрополитени учун ойлик йўл чипталарини олдинлари ҳам мавжуд бўлган, лекин кейинчалик номаълум сабабларга кўра бекор қилинган эди.

$1 = 3010,20 сўм