1 октябрдан Ўзбекистонда электроэнергия тарифлари оширилади
Тошкент. 15 сентябр. ЎзТАГ – 1 октябрдан Ўзбекистонда электроэнергия тарифлари оширилади, деб хабар беради Ўзбек телеграф агентлиги (ЎзТАГ).
“Ўзбекэнерго” АЖ 2016 йилнинг 1 октябридан ёқилғи энергия ресурслари таннархи ошиши муносабати билан электр энергияси нархлари ошгани ҳақида маълум қилади”, - дейилади компания хабарида.
Хусусан, аҳолига тақдим этиладиган 1 кВт/с электр энергияси нархи 182 сўмдан 191 сўмга, электр плиталар билан таъминланган турар жойларда истиқомат қилувчи аҳоли учун эса 91 сўмдан 95,5 сўмга қадар оширилади (ўсиш – 4,9%).
Савдо ташкилотлари, кафе, ресторан ва хизматлар соҳаси учун 1 кВт/с электр энергияси нархи 194,85 сўмни, реклама ва иллюминациялар учун 201,50 сўмни, энерготизимнинг хўжалик эҳтиёжлари учун 191 сўмни ташкил этади.
Эслатиб ўтамизки, электроэнергия тарифлари охирги марта 2016 йил апрел ойида ошган.