1 январдан Ўзбекистонда алкоголли ичимликларнинг минимал нархлари ошди
![](/upload/resize_cache/iblock/ef9/554_300_2/ef9df82645ea30000d9f2e1b61892f17.jpg)
Тошкент. 8 январ. ЎзТАГ – Ўзбекистон Молия вазирлиги ва Давлат солиқ қўмитаси пиводан ташқари алкоголли маҳсулотлар учун 2018 йил 1 январдан жорий этилаётган янги энг кам улгуржи-сотиш ва чакана нархларни тасдиқладилар, деб хабар беради Ўзбек телеграф агентлиги (ЎзТАГ).
ДСҚ маълумотларига кўра, винонинг ишлаб чиқарувчилар учун энг кам улгуржи-сотиш нархи 1 литр учун 6,5 минг сўмга, энг кам чакана нархи эса 7,8 минг сўмгача ошди.
Коньякнинг энг кам улгуржи-сотиш нархи 22 минг сўмгача, чакана нархи эса 26,4 минг сўмгача оширилди.
Ароқнинг улгуржи-сотиш нархи 12,9 минг сўмдан 16 минг сўмгача, чакана нархи эса 15,5 минг сўмдан 19,2 минггача кўтарилди.
$1=8136,67 сўм
Сурат манбаи: https://ru.sputnik-news.ee/news/20160625/2298410.html