10 ой якунлари бўйича “IShONCh” суғуртачисининг суғурта қопламалари 1,5 бараварга ўсди
Дата: 22:16, 01-12-2016.
Тошкент. 1 декабр. ЎзТАГ – 2016 йилнинг 10 ойи якунлари бўйича “IShONCh” суғуртачисининг суғурта қопламалари ўтган йилга нисбатан 1,5 бараварга ўсиб, 1,47 млрд сўмга етди, деб хабар беради Ўзбек телеграф агентлиги (ЎзТАГ).
БСК маълумотларига кўра, компания томонидан 510та суғурта даъволари кўриб чиқилиши натижаси бўлди. Жумладан, иш берувчининг фуқаролик жавобгарлигини мажбурий суғурталаш бўйича компания томонидан жабрланувчиларга 320 млн сўмдан зиёд суғурта қопламалари тўланди.
Транспорт воситалари эгаларининг фуқаролик жавобгарлигини мажбурий суғурталаш бўйича 450та суғурта даъволари кўриб чиқилиб, жабрланувчиларга 960 млн сўмдан ортиқ суғурта қопламалари тўланди. Бу кўрсаткич ўтган йилнинг шу даврига нисбатан 1,5 марта ортди.
