2,8 млрд томошабинга эга бўлган британ канали Бухаро ҳақида сюжет олмоқда (қўшимча)

Тошкент. 24 июн. ЎзТАГ – Британиянинг “Pioneer Productions” компанияси Ўзбекистоннинг қадим шаҳри Бухоро ҳақида фильм суратга олмоқда. У “Discovery Networks International” канали учун хужжатли сериалнинг бир қисми бўлади, деб хабар беради Ўзбек телеграф агентлиги (ЎзТАГ).

“Ўзбектуризм” Миллий компанияси матбуот хизматининг хабарига кўра, лойиҳа “Ўзбектуризм” МК ва Бутунжаҳон Туристик ташкилоти (ЮНВТО) ўртасидаги келишувга мувофиқ “Буюк ипак йўли” брендини реклама қилиш мақсадларида суратга олинмоқда.

BBC2, ITV ва Sky One каби каналлар учун 10 йилдан ошиқ меҳнат қилаётган таниқли телебошловчи ва ёзувчи Дэвид Баддиэл Буюк ипак йўлидаги энг қадимий шаҳарлардан бири, унинг бой тарихи ва анъаналари ҳақида ҳикоя қилиб беради.

Таниқли телебошловчидан ташқари, суратга олиш гуруҳига Discovery и Chanel 4 учун Raging Planet (“Жунбушдаги планета”) ва Wonders of Weather (“Об-ҳаво мўжизалари”), HGTV учун Extreme Homes (“Экстремал уйлар”) ва NOVA канали учун How the Universe Works (“Коинот қандай ишлайди?”) кўрсатувларини яратишда қатнашган журналист ва операторлар ҳам кирган.

Хужжатли фильм телеканал эфирига жорий йил охирида чиқарилиши режалаштирилмоқда.

Эслатиб ўтамизки, “Discovery Networks International” канали дунёнинг 220 мамлакатидаги 2,8 млрд кишилик телетомошабинлар аудиториясини қамраб олади.