20-21 августда Ўзбекистонда умумхалқ ҳайрия ҳашари ўтказилади
Дата: 16:08, 12-08-2016.
Тошкент. 12 август. ЎзТАГ – Мустақиллик байрами арафаси – 20-21 августда Ўзбекистонда анъанавий умумхалқ ҳайрия ҳашари бўлиб ўтади. Бу ҳақда “Газета.uz” нашрига ҳукуматдаги манба хабар қилган.
Хабар берилишича, Вазирлар Маҳкамасининг бунга доир фармойиши 10 августда қабул қилинган.
“Ҳашар доирасида турар-жой мавзелари, кўчалар, хиёбонлар, зиёратгоҳ ва бошқа ҳудудлар ободонлаштирилиб, тозаланади. Эҳтиёжманд кишилар ва оилаларга ижтимоий ёрдам кўрсатиш ҳам режалаштирилган”, - дейилади хабарда.
Маълумот ўрнида, август ойи мамлакатда ободонлаштириш ва тозалик ойлиги деб эълон қилинган.
