20 зиёд Испания компанияларининг вакиллари Тошкентга етиб келдилар

Тошкент. 20 июн. ЎзТАГ – 19-20 июнда Тошкентда бўлиб ўтаётган “Кўп томонлама ҳамкорлик” бизнес-форумида 20 зиёд Испания компанияларининг вакиллари иштирок этмоқда, деб хабар беради Ўзбек телеграф агентлиги (ЎзТАГ).

У Ўзбекистон Республикаси ва Испания Қироллиги ўртасида иқтисодий ва саноат соҳаларидаги ҳамкорлик бўйича ҳукуматлараро қўшма комиссиянинг биринчи мажлисига тайёргарлик ҳисобланади.

Ўзбек-испан бизнес форуми Ўзбекистон Республикаси Инвестициялар бўйича давлат қўмитаси ва Испания инвестиция ва экспорт агентлиги (ICEX) томонидан ташкил этилган.

Қўмитадан хабар беришларича, тақдим этилган испан компаниялари инжиниринг, фуқаролик объектлари ва инфраструктура объектларини қуриш соҳаларида фаолият юритади.

Бизнес-форумнинг ўтказилиши Ўзбекистон билан Испания ўртасида энергетика, транспорт инфратузилмалари, шаҳар сув таъминоти ва санитария тизимлари, қаттиқ чиқиндиларни бошқариш, қурилиш, озиқ-овқат саноати ва инжиниринг хўжалиги каби соҳаларда ишбилармонлик алоқаларини мустаҳкамлашга қаратилган.

Эслатиб ўтамизки, “ICEX Испания: экспорт ва инвестициялар” агентлиги давлат ташкилоти бўлиб, мамлакатлардаги бўлимлар тармоғи ёрдамида Испания тадбиркорларига халқаро бозорларга чиқишга кўмак беради.

Сурат манбаи: http://sharehows.com/real-spanish-for-trip