2013 йилда Навоийдаги етакчи текстил корхонаси 90% маҳсулотини экспортга чиқарди
Дата: 19:38, 23-07-2014.
Тошкент. 23 июл. ЎзТАГ – Ўзбекистоннинг Навоий вилоятидаги етакчи текстил экспортчиларидан бири – “Бахт-текстиль” ҚК МЧЖ 2013 йилда қиймати $10 млнлик маҳсулот экспорт қилди. Бу корхона маҳсулотининг 90% ташкил қилади, дея хабар беради Ўзбек телеграф агентлиги (ЎзТАГ).
“Ўзбекенгилсаноат” ДАК хабар беришларича, ҳозирда корхонада янги ускуналарни ўрнатиш ишлари давом этмоқда. Бу ерга 25 таниқли хориж фирмасининг 25 дона тўқув ускунаси олиб келинди.
Янги ускуналар энергия сарфини 30% қисқартириш ва ишлаб чиқаришни 1,5 бараварга оширишга имкон беради. Лойиҳа банк кредити ҳисобига амалга оширилмоқда.
Ҳозирда 12 ускуна ўрнатилди. Технологик қайта жиҳозлаш қўшимча 50 иш ўрни яратиш, шунингдек, келажакда калава экспортини оширишга имкон беради.
