2013 йилда “Саноатқурилишбанк” ўз капитали миқдорини 94,187 млрд сўмга оширди

Тошкент. 12 май. ЎзТАГ – 2013 йилда “Саноатқурилишбанк” очиқ акционерлик тижорат банки ўз капитали миқдорини 94,187 млрд сўмга оширди ва 388,646 млрд сўмга етказди, дея хабар беради Ўзбек телеграф агентлиги (ЎзТАГ).
Банкдан хабар беришларича, 2013 йил якунлари бўйича банк активлари миқдори бир йил олдинги курсаткичдан 5,008 трлн сўмдан кўпайиб, 6,774 трлн сўмни ташкил этган. Молия муассасасининг мажбуриятлари 6,385 трлн сўмни (4,714 трлн) ташкил қилган. Соф фойда эса 39,99 млрд сўмга (23,641 млрд сўм) тенг бўлган. Ўтган йил охирига келиб банк акционерлик капиталининг ялпи кўрсаткичи 320,807 млрд сўмни ташкил қилди (2012 йил 1 январга - 254,468 млрд сўм).
Эслатиб ўтамизки, “Промбанк”нинг Ўрта Осиёдаги бўлими 1922 йилда очилган эди. Банкнинг ҳозирги юридик номи 2009 йилда қабул қилинган.