2013 йилда “Ўзқишлоқмашлизинг” соф фойдани 5,7 мартага оширди

Тошкент. 9 июн. ЎзТАГ – 2013 йилда “Ўзқишлоқмашлизинг” Акционерлик лизинг компаниясининг соф фойдаси 2012 йилдагига қараганда 5,7 мартага ошиб, 4,16 млрд сўмга ($1,81 млн) етди, дея хабар беради Ўзбек телеграф агентлиги (ЎзТАГ).
Реализациядан тушган соф тушум ҳажми 27,67 млрд сўмни ($12 млн) ташкил қилди, бу 2012 йилдагига қараганда 66,4% кўп демакдир. Маҳсулот сотишдан тушган ялпи фойда 24,75 млрд сўмга ($10,76 млн) тенг бўлди.
“Ўзқишлоқмашлизинг” Акционерлик лизинг компаниясининг низом жамғармаси рентабеллик коэффициенти 2013 йил якунлари бўйича 13,7% ташкил қилди.
2013 йилда компания қимматли қоғозлари бўйича дивидендлар тўлашга 2 млрд сўмдан ($873,36 минг) ошиқ маблағ ажратди.
Эслатиб ўтамизки, “Ўзқишлоқмашлизинг” Акционерлик лизинг компанияси 1999 йилда ташкил этилган. Компания қишлоқ хўжалик маҳсулотлари ишлаб чиқарувчиларга қишлоқ хўжалик техникаларини лизингга беради.