2014 йил II чораги якунлари бўйича Ўзбекистондаги энг йирик цемент ишлаб чиқарувчи 86,62 млрд сўм миқдорда соф фойда олди

Тошкент. 11 август. ЎзТАГ – Ўзбекистондаги йирик цемент ишлаб чиқарувчилардан бири – “Оҳангаронцемент” АЖ 2014 йил II чораги якунлари бўйича 86,62 млрд сўм ($37,08 млн) миқдорда соф фойда олди, дея хабар беради Ўзбек телеграф агентлиги (ЎзТАГ).

Маҳсулот сотишдан тушган соф тушум 262,17 млрд сўмни ташкил этди ва ўтган йил натижаларига (180,6 млрд сўм) солиштирганда 45% ўсди. Маҳсулот реализациясидан тушган ялпи фойда 175,6 млрд сўмни ташкил этди.

Цемент ишлаб чиқарувчининг иккинчи чорак якунлари бўйича тақсимланмаган фойдаси 486,4 млрд сўмга етди (чорак бошида - 399,8 млрд сўм).

Эслатиб ўтамизки, 2013 йилнинг иккинчи чорагида корхона 50,16 млрд сўм миқдорда соф фойда олган эди.

“Оҳангаронцемент” АЖ – Ўзбекистондаги энг йирик цемент ишлаб чиқарувчилардан бири бўлиб, бозорнинг учдан бир қисмига эгалик қилади. Корхонанинг қуввати йилиги 1,986 млн тонна цемент ишлаб чиқаришга мўлжалланган. Компания EUROCEMENT Holding AG таркибига кириб, холдинг унинг 83,98% акцияларига эгалик қилади.

$1 = 2336,20 сўм.