2014 йил иккинчи чораги якунига келиб “Ўзбектелеком” активлари миқдори 900 млрд сўмдан ошди

Тошкент. 25 август. ЎзТАГ – 2014 йил иккинчи чораги якунлари бўйича “Ўзбектелеком” активлари миқдори 900,3 млрд сўмни ташкил етди, бу 2013 йилнинг муқобил давридагига қараганда 10,75% кўп демакдир, дея хабар қилади Ўзбек телеграф агентлиги (ЎзТАГ).

Қимматли қоғозлар бозорини мувофиқлаштириш ва ривожлантириш маркази маълумотларига кўра, 2014 йилнинг апрел-июн ойларида маҳсулот реализациясидан тушган соф тушум 380,3 млрд сўмни ташкил қилган (2013 йилинг муқобил давридагига қараганда +10,47%).

Компаниянинг ялпи ички фойдаси 166,93 млрд сўмни ташкил қилиб, 8,27% ўсган.

2014 йилннг иккинчи чорагида компаниянинг соф фойдаси миқдори 16 млрд сўмдан ошди (2013 йилинг муқобил давридагига қараганда +28,2%).

Эслатиб ўтамизки, “Ўзбектелеком” АК 2013 йилдаги соф фойдаси 15,85 млрд сўмни ташкил этди. Компаниянинг 2013 йилдаги тушуми эса 686,227 млрд сўмга тенг бўлган.

$1 = 2344,38 сўм.