2014 йилнинг августида Ўзбекистон Швейцарияга энг кўп олтин етказиб берган мамлакат бўлди
Дата: 12:59, 23-09-2014.
Тошкент. 23 сентябр. ЎзТАГ – 2014 йилнинг августида Ўзбекистон Швейцария қайта ишловчи фабрикаларига энг кўп олтин етказиб берган мамлакат бўлди, дея хабар беради Ўзбек телеграф агентлиги (ЎзТАГ) Швейцария божхона хизмати ҳисоботига асосланган ҳолда.
“Республика (Ўзбекистон – ЎзТАГ) Швейцарияга 21 тонна 536 кг олтин экспорт қилди, бу мамлакатга августда олиб келинган олтиннинг 12% ташкил қилди. Ўзбек олтинининг баҳоси 847,7 млн швейцар франки атрофида бўлди. Августда Швейцарияга жами 126 тонна 25 кг олтин олиб келинди”, – дейилади Швейцария божхона хизмати хабарида.
Рўйхатга Ўзбекистондан ташқари яна икки МДҲ мамлакатлари кирди. Булар Россия (7-ўрин, 4 тонна 292 кг) ва Қирғизистонлардир (20-ўрин, 784 кг).
