2014 йилнинг биринчи чорагида Ўзбекистонда $434,6 млнлик қурилиш материаллари ишлаб чиқарилди

Тошкент. 22 апрель. ЎзТАГ – 2014 йилнинг биринчи чорагида Ўзбекистондаги қурилиш материаллари ишлаб чиқаришга ихтисослашган корхоналар $434,6 млнлик маҳсулот ишлаб чиқарди, дея хабар беради Ўзбек телеграф агентлиги (ЎзТАГ) Ўзбекистон Давлат статистика қўмитаси матбуот хизмати маълумотларига асосганган ҳолда. Бу ўтган 2013 йилнинг ана шу давридагига қараганда 14% кўп, тармоқнинг Ўзбекистондаги умумий ишлаб чиқариш ҳажмидаги улуши 6,1% ташкил этди (2012 йилда - 5,1% бўлган). Керамик безакли плиталар ишлаб чиқариш 1,9 марта, цемент, бетон ва сунъий тошдан йиғма конструкциялар, бино ва иншоотларнинг бошқа қисмларини ишлаб чиқариш 1,6 бараварга, цемент, бетон ва сунъий тошдан ғишт ва бошқа қурилиш блоклари ишлаб чиқариш 1,3 бараварга ўсди.
Шу билан бирга цемент клинкерлар (13,5%), гипс (12,3%), шағал (5,7%), портландцемент (4,3%) ишлаб чиқариш ҳам ошди.