2014 йилнинг биринчи ярмида “Ўзбекэнерго” корхоналари истеъмолчиларга 23 млрд кВт/с зиёд электроэнергия етказиб бердилар

Тошкент. 11 июл. ЎзТАГ – 2014 йилнинг биринчи ярмида “Ўзбекэнерго” АК корхоналари томонидан истеъмолчиларга 23 млрд кВт/с зиёд электроэнергия етказиб берилди. Бу прогноздагидан 1,2% кўпдир, дея хабар беради Ўзбек телеграф агентлиги (ЎзТАГ).
Компания маълумотларига кўра, маҳсулот таннархининг камайиши прогноздагидан 4,9% ошиқ бўлди, тармоқда товар маҳсулотлар ишлаб чиқариш ҳажми бўйича прогноз 100,4% бажарилди.
Талимаржон, Тошкент, Навоий электростанцияларида газбуғ қурилмаларини ўрнатиш, Сирдарё ИЭС икки энергоблокини модернизация қилиш ишлари амалга оширилмоқда.
“Сирдарё ИЭС” ва “Янги Ангрен ИЭС” 500 кВ юқори волтли линияларида қурилиш монтаж ишлари бажарилмоқда. Устюрт ГКМ ташқи объектларини электр қуввати билан таъминлаш учун ускуналар етказиб бериш юзасидан тендер эълон қилинган.