2014 йилнинг биринчи ярмида “Ўзпромстройбанк” коллеж битирувчиларининг бизнес-ғояларини кредитлашни деярли 2 мартага оширди

Тошкент. 28 август. ЎзТАГ – 2014 йилнинг январ-июлида “Ўзпромстройбанк” Акционерлик тижорат банки таълим муассасалари битирувчиларининг бизнесни йўлга қўйишлари учун 6,6 млрд сўм кредит маблағлари ажратди. Бу, 2013 йилнинг муқобил давридагига қараганда 1,9 мартага кўп демакдир, дея хабар қилади Ўзбек телеграф агентлиги (ЎзТАГ).

Банкдан хабар қилишларича, бундан кўзланган мақсад – ёшларга ўз бизнесларини очишга кўмак беришдан иборат. Бундан ташқари, банк коллежлар битирувчиларини иш билан таъминлаётган тадбиркорларни ҳам кредитлар билан таъминламоқда.

Эслатиб ўтамизки, “Ўзпромстройбанк” АТБ 1922 йилда очилган бўлиб, ушбу молия муассасаси Ўзбекистоннинг етакчи банкларидан бири ҳисобланади.

2013 йилда банк активлари 2012 йилдагига қараганда 35,23% ўсиб, 6,78 трлн сўмга етди. 2014 йилнинг 1 январига келиб банкнинг акционерлик капитали 326,3 млрд сўмни ташкил этган.

$1 = 2344,38 сўм.