2015-2017 йилларда Ўзбекистонда Фарҳод гидроэлектростанцияси модернизация қилинади

Тошкент. 3 декабр. ЎзТАГ – 2015-2017 йилларда Ўзбекистонда Фарҳод гидроэлектростанцияси модернизация қилинади, деб хабар беради Ўзбек телеграф агентлиги (ЎзТАГ).

Review.uz хабарига кўра, модернизациядан сўнг станция қуввати 114 мВтдан 127 мВтга етади.

Қиймати $131 млнлик лойиҳа 2016-2020 йилларга мўлжалланган Гидроэнергетикани ривожлантириш дастурига киритилган.

ГЭС модернизацияси “Ўзбекэнерго” АЖ ўз маблағлари ($65,3 млн) ва Ислом тараққиёт банки кредити ҳисобига амалга оширилмоқда ($65,7 млн).

Ишлар якунланганидан кейин ГЭСда электроэнергия игшлаб чиқариш ўртача 557,6 млн кВт/сга етказилади.

Эслатиб ўтамизки, Фарҳод ГЭС қурилиши 1943 йилда бошланган бўлиб, у 1953 йилда фойдаланишга топширилган. Бу ерда қуввати 126 минг кВтлик тўрт агрегат мавжуд.

Ҳашар йўли билан қурилган ушбу станция катта аҳамиятга эга. Унинг қуввати “Ўзбекэнерго” АЖ гидроэнергетикаси қувватининг деярли ярмини ташкил қилади.