2015 йилда UzAuto TRAILER маҳсулот чиқаришни 18,7% оширишни режалаштирмоқда
Дата: 16:53, 06-04-2015.
Тошкент. 6 апрел. ЎзТАГ – 2015 йил охирига қадар UzAuto TRAILER компанияси 1065 дона осма ва прицепли ускуналар чиқариш ниятида. Бу 2014 йилдаги кўрсаткичларга (897 дона) қараганда 18,7% кўп демакдир, дея хабар беради Ўзбек телеграф агентлиги (ЎзТАГ) "Ўзавтосаноат” АК сайтига асосланган ҳолда.
Бундан ташқари, яқин орада бу ерда самосвал кузовлари, яримприцеплар, контейнер ташувчилар, тентли, изотермик яримприцеп ва фургонлар ишлаб чиқаришни йўлга қўйиш режалаштирилмоқда.
Маълумот ўрнида, 2011 йилда Самарқандда қурилган заводнинг лойиҳа қуввати йилига 2 минг дона яримприцеплар ва 1 мингта осма техника ишлаб чиқаришга мўлжалланган.
