2015 йилда Ўзбекистон ҳудудларига умумий қиймати 500,4 млрд сўмлик қишлоқ хўжалик техникаси етказиб берилади

Тошкент. 6 декабр. ЎзТАГ – Ўзбекистонда 2015 йилда ҳудудларга умумий қиймати 500,4 млрд сўмлик қишлоқ хўжалик техникаси етказиб беришга доир 6,241 минг шартномалар тузилди, дея хабар беради Ўзбек телеграф агентлиги (ЎзТАГ).

Айни пайтда техниканинг катта қисми – қиймати 424,2 млрд сўмлик 5,171 минг дона техника “Ўзқишлоқмашлизинг” компанияси орқали лизингга берилади.

Бундан ташқари, компания маълумотларига кўра, 71,6 млрд сўмлик 614 дона техника тижорат банклари кредитлари ҳисобига етказиб берилади. Қолган қиймати 4,6 млрд сўмлик 456 дона техника эса фермерларнинг ўз маблағлари ҳисобига тўғридан-тўғри шартномалар орқали етказиб берилади.

Қишлоқ хўжалик техникалари етказиб бериш дастури “Ўзқишлоқмашлизинг”, “Ўзагросаноатмашхолдинг” компаниялари, тижорат банклари ва қишлоқ хўжалик техникаси ишлаб чиқариш заводлари раҳбарларидан иборат ишчи гуруҳи томонидан ишлаб чиқилган.

$1 = 2405,41 сўм