2015 йилда Ўзбекистоннинг беш суғурта компанияси қўшимча лицензиялар олди
Дата: 14:41, 11-01-2016.
Тошкент. 11 январ. ЎзТАГ – 2015 йилда Ўзбекистоннинг беш суғурта компанияси қўшимча лицензиялар олди, деб хабар беради Ўзбек телеграф агентлиги (ЎзТАГ).
Молия вазирлигидан маълум қилишларича, лицензиялар умумий суғурта тармоғининг алоҳида тоифалари бўйича берилган.
Хусусан, қўшимча лицензияларни “Kapital Sug`urta”, “Universal Sug`urta”, “Alskom” акционерлик жамиятлари ва “Asia Inshurans”, “Alfa Invest” МЧЖ олдилар.
Ҳам кўнгилли, ҳам мажбурий суғурта турлари бўйича берилган тоифалар ва улар берилган саналар кўрсатилган лицензиялар рўйхати Ўзбекистон Республикаси Молия вазирлигининг веб-порталида мавжуд.
