2015 йилда “Ўзсаноатқурилишбанк” кичик бизнесни кредитлашни деярли 1,3 бараварга оширди

Тошкент. 14 январ. ЎзТАГ – 2015 йилда “Ўзсаноатқурилишбанк” АТБ кичик бизнес субъектларига жами 856 млрд сўмлик кредитлар ажратди, бу эса ўтган йилги кўрсаткичдан 1,3 баробарга юқоридир, деб хабар беради Ўзбек телеграф агентлиги (ЎзТАГ).

Банкдан маълум қилишларича, жумладан, кичик бизнес ва хусусий тадбираорлик вакилларига берилган микрокредитлар ҳажми 85 млрд сўмни ташкил қилиб, 2014 йилга нисбатан 32%га ортди.

Шунингдек, аёллар тадбиркорлигини ривожлантиришга 55 млрд сўмлик, хизмат кўрсатиш ва сервис соҳасини кенгайтиришга 74 млрд сўмлик, касб-ҳунар коллежлари битирувчиларига тадбиркорлик фаолиятини йўлга қўйиш учун 15 млрд сўмлик кредитлар ажратилди.

Эслатиб ўтамизки, “Ўзсаноатқурилишбанк”АТБ республиканинг энг йирик банкларидан биридир. 2015 йилнинг 1 декабрига ҳолатига банкнинг низом капитали 671,1 млрд сўмга, ялпи капитали 856,3 млрд сўмга тенг.

Бугунда банк тизимида 42 мини-банк, 54 омонат кассаси, 44 махсус кассалар, 151 тўловлар қабул қилиш пункти, 91 халқаро пул ўтказмалари пункти ва 52 валюта алмаштириш пунктлари фаолият юритмоқда.