2015 йилнинг биринчи чорагида “Тошкент” фонд биржасининг айланмаси 54,7 млрд. сўмни ташкил қилди
Дата: 10:47, 07-04-2015.
Тошкент. 7 апрел. ЎзТАГ – 2015 йилнинг биринчи чорагида “Тошкент” Республика фонд биржасининг қимматли қоғозлар олди-сотдисидан ҳосиб бўлган умумий айланмаси 54,7 млрд. сўмни ташкил қилди ва бу 2014 йилнинг муқобил давридаги кўрсаткичга қараганда 4,4 бараварга кўпдир, дея хабар беради Ўзбек телеграф агентлиги (ЎзТАГ).
2015 йилнинг биринчи чорагидаги биржа битимлари ҳажми бўйича биржада кейинги бир неча йил ичида рекорд натижа қайд этилди.
Иккиламчи қимматли қоғозлар бозори ҳажми 45,6 млрд сўмни (биржа айланмасининг 83,4%) ташкил этди, бу эса 2014 йилнинг биринчи чораги билан солиштирганда ўн баравардан ошиқ ўсиш деганидир. Юридик шахсларнинг инвестициялари ҳажми 53,1 млрд сўмга тенг бўлди ва биржа умумий айланмасининг 97,1% ташкил этди.
