2015 йилнинг биринчи чорагида “Ўзбекэнерго” ДАК ЖБнинг $60 млнлик кредитини жалб қилади
Тошкент. 5 ноябр. ЎзТАГ – 2015 йилнинг биринчи чорагида “Ўзбекэнерго” Давлат-акционерлик компанияси (ДАК) ЖБнинг $60 млнлик кредитини жалб қилади. Ушбу маблағлар “Қамчиқ” довонидан ўтувчи темир йўл линиясини электр қуввати билан таъминлашга сарфланади, деб хабар қилди РИА Новости энергетик компания викилига асосланган ҳолда.
Ўзбек компанияси вакилининг аниқлаштиришича, маблағлар Халқаро тикланиш ва тараққиёт банки ресурсларидан ажратилади. Лойиҳа инфраструктура объектлари, хусусан, 110/220 кВлик юқоривольтли линия ва узунлиги 130 км атрофида бўлган янги “Ангрен-Поп” темир йўли учун асос подстанциялар қуришни кўзда тутади. Яқинда ушбу лойиҳада қатнашиш учун бошланғич малака тендери эълон қилинди.
Эслатиб ўтамизки, 2013 йил июлда “Ўзбекистон темир йўллари” электрлаштирилган янги “Ангрен-Поп” темир йўлини қуришга киришди. Йўл “Қамчиқ” довони орқали ўтиб, Фарғона водийсини (Андижон, Наманган ва Фарғона вилоятлар ҳудуди) Ўзбекистоннинг қолган қисми билан улайди.
Қиймати $455 млнлик туннелни қуриш хитойнинг China Railway Tunnel Group компанияси томонидан олиб борилмоқда. Бошланғич қиймати $1,7 млрдлик лойиҳа халқаро молия институтлари кредитлари ва ўзбек томонининг ўз маблағлари ҳисобига амалга оширилмоқда. Қурилишга 5 йил сарфланади, деб ёзади агентлик.
