2015 йилнинг биринчи ярмида машинасозлик корхоналари маҳсулот ишлаб чиқаришни 4,9% кўпайтирди
Дата: 15:42, 27-07-2015.
Тошкент. 27 июл. ЎзТАГ – 2015 йилнинг биринчи ярмида машинасозлик корхоналари 7,4 трлн сўмлик маҳсулот ишлаб чиқариб, ушбу кўрсаткични ўтган йилнинг муқобил давридагига қараганда 4,9% кўпайтирдилар, деб хабар беради Ўзбек телеграф агентлиги (ЎзТАГ).
“Энг кўп 27,6% ўсишга юк автомобиллари сегментида эришилди, ихтисослашган автомобиллар чиқариш 10,3%, поршенли двигателларни ўт олдириш учун қўрғошинли аккумуляторлар ишлаб чиқариш 9,4% кўпайди”, – дейилади Давлат статистика қўмитаси хабарида.
Шунингдек, қишлоқ хўжалик техникалари ишлаб чиқариш ҳам сезиларли даражада ортди. Хусусан, сеялкалар ишлаб чиқариш 3,1 бараварга, ўрим косилкалари ишлаб чиқариш 1,9 бараварга, дон йиғиш комбайнлари ишлаб чиқариш 12,4% кўпайди.
