2015 йилнинг биринчи ярмида “Ўзбекэнерго” истъмолчиларга 22,9 млрд кВт•с электр энергияси етказиб берди

Тошкент. 20 июл. ЎзТАГ – 2015 йилнинг биринчи ярмида “Ўзбекэнерго” давлат акционерлик компанияси ” истъмолчиларга 22,9 млрд кВт·с электр энергияси, 4,1 млн Гкал иссиқлик етказиб берди, деб хабар беради Ўзбек телеграф агентлиги (ЎзТАГ).

Компаниядан хабар қилишларича, компания корхоналари томонидан товар ишлаб чиқариш ҳажмлари прогнозга нисбатан 100,2% ташкил қилди. Маҳсулот таннархи 1,1% туширилди. Маҳаллий хом-ашё асосида компания корхоналарида ишлаб чиқарилаётган локализациялашган маҳсулотлар бўйича топшириқ 106% бажарилди.

Шунингдек, “Ўзбекэнерго” 2015 йилги Инвестиция дастури доирасида янги электроэнергетика объектлари қуриш, амалдаги объектларни модернизация ва реконструкция қилиш ишларини ҳам олиб бормоқда. Хусусан, Талимаржон, Тошкент, Тахиатош, Навоий электростанцияларида янги газбуғ ускуналар барпо этилмоқда.

Компаниянинг “Кексаларни эъзозлаш йили” дастури доирасидаги харажатлари 2,1 млрд сўмдан ошиқни ташкил этди.

$1 = 2565,29 сўм