2016 йил январда “Оҳангаронцемент” клинкер ишлаб чиқаришни 45,2% кўпайтирди

Тошкент. 16 феврал. ЎзТАГ – 2016 йил январ якунлари бўйича Ўзбекистоннинг энг йирик цемент заводларидан бири –“Оҳангаронцемент” клинкер ишлаб чиқаришни 45,2% (30,2 минг тонна) кўпайтириб, 97,2 минг тоннага етказди, деб хабар беради Ўзбек телеграф агентлиги (ЎзТАГ).

“Шунингдек, завод цемент ишлаб чиқаришни 6,9% (9,5 минг тонна) ошириб, 147 минг тоннага етказди. 2015 йил январига солиштирганда истеъмолчиларга 50 кг қопларда 26,7% (8,4 минг тонна) кўп цемент етказиб берилди. Корхонанинг тоғ цехи томонидан 117,5 минг тонна оҳактош қазиб олиниб, етказиб берилди. Бу эса ўтган йилдаги кўрсаткичдан 19% (53,7 мингтонна) кўпдир”, - деб таъкидлашди корхонада.

Ўтган йилда “Оҳангаронцемент” 1,77 млн тонна цемент ишлаб чиқариб, 2014 йилдаги кўрсаткичларини 2,1% (36,8 минг тонна) яхшилади.