2016 йилда Тошкент трамвайлардан тўлиқ вос кечади

Тошкент. 29 март. ЎзТАГ – Жорий йилнинг августида пойтахт маъмурияти Тошкентдаги барча трамвай линияларини олиб ташлашни якунлашни режалаштирмоқда, деб хабар беради Ўзбек телеграф агентлиги (ЎзТАГ) шаҳар ҳокими Раҳмонбек Усмоновнинг баёнотига асосланган ҳолда.

“Ушбу қарор трамвайлар орқали йўловчилар ташишнинг самарасизлиги билан боғлиқ. Улар нафақат бошқа транспорт турларига қараганда кам йўловчи ташийди, балки қимматга ҳам тушади. Биз линияларни демонтаж қилишни бошладик, ойига 12-15 км йўлларни олиб ташлашни режалаштирмоқдамиз. Жами 87,8 км трамвай линияларини олиб ташлаш режалаштирилмоқда”, - деб таъкидлади Р.Усмонов.

Муқимий, Самарқанд Дарвоза, Меҳрижон-Сайхун, Алиева, Темирйулчилар, КАҲЙ, Белтепа, Шифокорлар, Фарход-Тўкимачи, Маннон Уйғур-Бешқайрағоч, Лутфий, Катта Хирмонтепа, Камарнисо, Фаробий, Оҳангарон шоссеси, Қорасув, Фарғона йўли, Янги Қўйлиқ, Қушбеги, Бунёдкор кўчаларидаги трамвай линиялари олиб ташланади.

Ёпилаётган трамвай маршрутлари ўрнига шу рақамдаги автобус йўналишлари йўлга қўйилади. Қатор маршрутларда автобуслар 5 апрелдан бошлаб юра бошлайди.

Ҳокимнинг фикрига кўра, трамвай линияларининг олиб ташланиши шаҳарни янги полосалар эвазига тирбандликлардан озод қилишга имкон беради.