2016 йилда ўзбек-британ товар айланмаси 43% ўсди

Тошкент. 17 феврал. ЎзТАГ – 2016 йилда ўзбек-британ товар айланмаси ўтган йил билан солиштирганда 43% ўсиб, $151 млнни ташкил қилди. Бу ҳақида Тошкентдаги матбуот анжуманида Буюк Британиянинг Ўзбекистондаги элчиси Кристофер Аллан маълум қилди, деб хабар беради Ўзбек телеграф агентлиги (ЎзТАГ). 

“Аммо биз янада каттароқ натижаларга эришиш мумкин деб ҳисоблаймиз ва Ўзбекистон ҳукумати билан савдо ва инвестиция, британ тажриба ва технологиялари ҳар икки тарафга фойда келтириши мумкин бўлган бошқа соҳаларда ҳам ҳамкорликни янада кенгайтиришга қаратилган алоқаларни ривожлантириш ниятидамиз”, - деди К.Аллан Буюк Британия ва Ўзбекистон ўртасидаги дипмуносабатлар ўрнатилганлигининг 25 йиллигига бағишланган матбуот анжуманида.

Элчи Буюк Британиянинг Ўзбекистонга экспорти қора металллар ва пахтадан эканлигини маълум қилди. Буюк Британиядан эса асосан хизматлар, техника ва ускуналар, кимёвий моддалар, фармацевтик маҳсулотлар ва истеъмол моллари келтирилади.

Элчи Буюк Британия Ўзбекистон билан бизнес муҳитни яхшилашни доимий муҳокама қилаётганлигини ҳам қайд этди.

“Шунингдек, биз Ўзбекистон ҳукумати билан инвесторлар учун бизнес-муҳитни яхшилашни доимий муҳокама қилмоқдамиз. Мен президент ва ҳукуматнинг ишбилармонлик муҳитини яхшилашга йўналтирилган интилишини, ҳукуматнинг халқаро бизнес-ҳамжамият фикрига нисбатан очиқлиги қутлайман”, - деб таъкидлади элчи.