2016 йилда Ўзбекистон МХХ қиймати 24 млрд сўмликдан зиёдлик контрабандасига чек қўйишди
Тошкент. 28 апрел. ЎзТАГ – Ўзбекистон Республикаси Миллий хавфсизлик хизмати Давлат чегараларини ҳимоя қилиш қўмитаси ходимлари ўтган йилда 24 млрд сўмдан ортиқ товар-моддий бойликларнинг чегарадан ноқонуний олиб ўтилишига чек қўйдилар, деб хабар беради Ўзбек телеграф агентлиги (ЎзТАГ) муассаса брифингига асосланган ҳолда.
“Товар-моддий бойликларнинг катта қисми Ўзбекистонга Қирғизистондан ноқонуний равишда олиб кирилмоқда. Ноқонуний олиб ўтилаётган товар-моддий бойликлар бир партиясининг ўртача қиймати 8-12 млн сўмни ташкил этади. Шу билан бирга, контрабандачилар товар-моддий бойликларни ўта йирик миқдорда олиб ўтишга ҳам уринишлар учраб туради”, - деб айтилди брифингда.
Жумладан, 2016 йил 14 январ куни Қирғизистондан жами 350 млн сўмлик контрабанда дори воситалари ва теле-, аудиоқурилмаларнинг йирик партияси олиб кирилишига барҳам берилди.
Бундан ташқари, Фарғона вилоятининг Олтиариқ туманидаги тадбирлар доирасида Қирғизистон ҳудудидан чиқувчи 120 метрлик ер ости тоннели аниқланди. Унга кирадиган жой маҳаллий фуқаронинг уйида бўлиб, бу енга бемалол контрабанда билан шуғулланишга имкон берган. Ҳозирда тоннель йўқ қилинди.
