2016 йилда Ўзбекистонда экспорт-импорт ва транзит операцияларини назорат қилишнинг электрон тизими ишга туширилади
Тошкент. 10 июн. ЎзТАГ – 2016 йилда Давлат божхона қўмитаси ва Корейс халқаро ҳамкорлик агентлиги (KOICA) экспорт-импорт ва транзит операцияларини назорат қилишнинг электрон тизимини ишга туширишни режалаштирмоқдалар, деб хабар беради Ўзбек телеграф агентлиги (ЎзТАГ).
“Лойиҳани молиялаштириш KOICAнинг $5,5 млн миқдоридаги гранти ҳисобига амалга оширилади. Тизимнинг дастурий таъминоти корейс томонидан ишлаб чиқилган бўлиб, Uni-Pass тизими асосида ишлайди. Ҳозирда жанубий кореялик мутахассислар дастурий таъминотни маҳаллий ўзига хосликлардан келиб чиққан ҳолда такомиллаштирмоқдалар”, – деб таъкидлашди ЎзТАГ мухбирига KOICAнинг Ўзбекистондаги ваколатхонасида.