2016 йилга бориб Хитой Марказий Осиёдан йилига 85 млрд кубометр табиий газ олади
Дата: 12:39, 15-07-2014.
Тошкент. 15 июл. ЎзТАГ - 2016 йилга бориб Хитой Марказий Осиёдан йилига 85 млрд кубометр табиий газ олади, деб хабар қилади 12news.uz нашри.
Хусусан, газ Марказий Осиё-Хитой газ ўтказгичининг “D” линиясини қуриш 2014 йил охирида бошланади. Ушбу линиянинг қуввати йилига 30 млрд кубометрга тенг бўлади.
Бу ҳақида “Ипак йўлининг иқтисодий белбоғи” мавзусидаги хитой-қирғиз семинари давомида Trans-Asia Gas Pipeline Company Limited CNPC компанияси вице-президенти Мэн Фаньчунь хабар қилди.
Эслатиб ўтамизки, “D” линияси Хитойнинг Уця округидан Туркманистон-Ўзбекистон-Тожикистон-Қирғизистон орқали ўтиб, ғарбий-шарқий газ ўтказгичнинг беш линияси билан бирлашади.
Илгари “Марказий Осиё – Хитой” газ ўтказгичининг ўзбек қисми учинчи линиясининг қурилиши тугалланиши муносабати билан Ўзбекистондан Хитойга табиий газ етказиб бериш 2013 йилдаги 6 млрддан 2015 йилга бориб 10 млрд кубометрга етказилиши ҳақида хабар қилинган эди. Юқоридаги газ ўтказгич йилига 55 млрд кубометрга тенг бўлган лойиҳа қувватига 2015 йил охирида етказиш режалаштирлмоқда.
Қурилиши 2008 йилда бошланган “Марказий Осиё – Хитой” газ ўтказгичи 2009-йилда эксплуатацияга топширилган. Унинг умумий узунлиги 7 минг км атрофида. Хитойда газ ўтказгич Гуанчжоу шаҳригача борган. Ўзбек газ ўтказгичининг иккинчи бўғини 2010 йилда эксплуатацияга топширилган, учинчи бўғини эса ўтган йил охирда ишга туширилган. Айн пайтд газ ўтказгичнинг умумий қуввати йилига 65 млрд кубометр газга тенг.
