2017-2019 йилларда KOICA Ўзбекистонда янги лойиҳани амалга оширишни режалаштирмоқда
Тошкент. 28 декабр. ЎзТАГ – Корея халқаро ҳамкорлик агентлиги (KOICA) Ўзбекистонда республика давлат секторига инновацияларни жорий қилиш бўйича Ўзбекистонда янги лойиҳани амалга оширишни режалаштирмоқда, деб хабар беради Ўзбек телеграф агентлиги (ЎзТАГ).
2017-2019 йилларда амалга ошириладиган лойҳанинг умумий қиймати $3 млнга тенг.
“Лойиҳа доирасида Ўзбекистонда ходимларни бошқариш сиёсати ва давлат хизматчиларини тайёрлаш тизими бўйича консультациялар бериш, Давлат бошқаруви академиясининг (ДБА) таълим салоҳиятини мустаҳкамлаш, шунингдек, давлат хизматчилари, жумладан, ДБА талабалари, профессор-ўқитувчилари, ўқитувчилари ва ходимлари салоҳиятини мустаҳкамлаш режалаштирилмоқда”, - деб таъкидлашди корейс агентлиги матбуот хизматида.
Яқин орада KOICA ва ДБА Ўзбекистондаги давлат хизматчилари учун кадрларни тайёрлаш тизимининг бош режасини ишлаб чиқиб, шунингдек, давлат тармоғида инновацияларни рағбатлантириш мақсадида “Инсон ресурсларининг ривожланиш” мавзуида Корея-Ўзбекистон жамоатчилик анжуманини ҳам ўтказадилар.
Бундан ташқари, KOICA ва ДБА бизнес-реинжинирингдан фойдаланган ҳолда янги ўқув дастурлари ва ўқитиш услублари, ўқитувчилар ва ходимлар учун семинарлар ишлаб чиқадилар. Қўшимча равишда, KOICA ДБА талабалари, ўқитувчилари ва ходимлари Жанубий Кореяда ихтисослаштирилган таълим курслари ўтказади.
