2017 йил марти охиригача Euronews Ўзбекистон ҳақида сюжетлар намойиш қилади
Тошкент. 12 август. ЎзТАГ – “Ўзбектуризм” МК ва Euronews телеканали ўзаро ҳамкорлик 2017 йилнинг марти охиригача давом эттирилиши ҳақида келишиб олдилар, деб хабар беради Ўзбек телеграф агентлиги (ЎзТАГ).
“2017 йилнинг августидан 2017 йилнинг мартига қадар телеканалда Ўзбекистоннинг сайёҳлик салоҳияти тўғрисидаги реклама ролиги намойиш этилади. Бундан ташқари, телеканал “Postcards” ва “Cult” рукнларида Қорақалпоғистон, Самарқанд, Бухоро, Навоий, Хоразм, Фарғона вилоятлари ва республиканинг бошқа ҳудудларидаги маданий-тарихий ёдгорликлар ҳақида 18 сюжетларни эфирга беради”, деб таъкидлашди “Ўзбектуризм”да.
Маълумот ўрнида, Euronews телеканали 13 тилда эфирга чиқиб, ўз кўрсатувларини 155 мамлакатдаги 370 миллиондан ортиқ томошабинларга намойиш қилади.
