2019 йилда Россияда меҳнат муҳожирлари сони чекланади
Тошкент. 10 сентабр. ЎзТАГ – 2019 йилда Россияда иқтисодиётнинг айрим тармоқларида меҳнат муҳожирларини жалб қилиш бўйича чекловлар жорий этилади, деб хабар беради Ўзбек телеграф агентлиги (ЎзТАГ).
Бу ҳақида Россия Меҳнат ва аҳолини ижтимоий муҳофаза қилиш вазирлиги маълум қилди.
Россия ҳукумати қарорининг лойиҳасига мувофиқ, 2018-йилда қурилиш, бошқа қуруқликдаги йўловчи ташиш транспорти ва автомобиль юк ташиш транспорти фаолиятидан ташқари иқтисодий фаолият соҳаларида хорижий ишчиларнинг рухсат этиладиган улушини сақлаб қолиш таклиф этилмоқда.
Хусусан, 2019 йилда иқтисодий фаолиятнинг ушбу турларида рухсат этиладиган улуш миқдорини 26 % (2018 йилда 28 %) қилиб белгилаш таклиф этилмоқда.
“Қурилиш соҳасида 80 % улушнинг белгиланиши Россия Федерацияси Қурилиш ва уй-жой коммунал хўжалиги вазирлиги, шунингдек Россия Федерацияси субъектлари ижро ҳокимияти органлари билан келишилган”, - дейилади қарорда.
Ҳозирги кунда бу соҳада чет эллик ишчиларни жалб қилиш бўйича чекловлар йўқ.
Эслатиб ўтамизки, 2015 йилнинг январ ойи бошида Россия Федерациясида Ўзбекистондан 2215780 нафар меҳнат муҳожири рўйхатдан ўтказилган эди, 2016 йилнинг муқобил даврида уларнинг сони 1785892 нафаргача қисқарди. Шунга қарамасдан, 2017 йилнинг 1 феврал ҳолатига Россияда Ўзбекистонлик 1513694 нафар муҳожир бўлган бўлса, 2018 йилнинг 1 февралига келиб уларнинг сони 1669161 кишига етди.
Сурат манбаи: из https://otrude.ru
