2019 йилнинг I чорагида Ўзбекистон $500 млнлик евробондлар чиқаради
Дата: 15:27, 24-12-2018.
Тошкент. 24 декабр. ЎзТАГ – 2019 йилнинг I чорагида Ўзбекистон $500 млнлик евробондлар чиқаради, деб хабар беради Ўзбек телеграф агентлиги (ЎзТАГ).
Reuters маълумотларига кўра, мамлакат муддати 5-10 йиллик облигациялар чиқаришга тайёрланмоқда.
Облигацияларни жойлаштиришни ташкил қилиш ваколатини JP Morgan, Deutsche Bank, Citi ва россиянинг “Газпромбанк”и олган.
Эслатиб ўтамиз, еврооблигациялар – эмитент учун хорижий бўлган валютадаги узоқ муддатли қимматли қоғозлардир. Евробондларни 1 йилдан 40 йилгача узоқ муддатга пул маблағларини олишдан манфаатдор бўлган халқаро ташкилотлар, ҳукуматлар, йирик корпорациялар чиқаради. Орадан маълум муддат ўтгач улар қайта сотиб олиниши мумкин.
Сурат манбаи: https://abctv.kz
