2020 йилдан бошлаб Ўзбекистон чарм яримфабрикатлар экспортини тўхтатишни режалаштирмоқда
Тошкент. 12 декабр. ЎзТАГ – 2020 йилдан бошлаб Ўзбекистон яримфабрикатлар экспортини тўхтатишни режалаштирмоқда, деб хабар беради Ўзбек телеграф агентлиги (ЎзТАГ).
Хусусан, янги режалар Вазирлар Маҳкамасининг “Чарм-пойафзал, мўйна ва жун саноатларини янада ривожлантириш ва экспорт салоҳиятини оширишни рағбатлантириш чора-тадбирлари тўғрисида”ги қарорида кўзда тутилган. Унга мувофиқ саноатни баъзи солиқлардан озод қилиш таклиф этилмоқда.
Қонун ҳужжатларини баҳолаш тизими порталида чоп этилган ҳужжатга кўра, экспорт қилинаётган чарм яримтайёр маҳсулотлар ҳажмини босқичма-босқич камайтириш бўйича чора-тадбирлар дастури ишлаб чиқилмоқда. Унга мувофиқ, экспорт 2018 йилда ишлаб чиқариш ҳажмининг 50%га қадар, 2019 йилда 25%га қадар камайтирилади, 2020 йилдан бошлаб тўлиқ тўхтатилади.
Ушбу чора-тадбирлар айни пайтда хом терининг деярли бутун ҳажми экспортга кетаётгани, бир вақтнинг ўзида, тармоқ ташкилотлари ўз ишлаб чиқаришлари учун уни баланд нархларида импорт қилишга мажбур бўлаётгани билан боғлиқ.
2023 йилга қадар мол сўйиш, чарм пойафзал, атторлик, (қоракўлдан ташқари) мўйна маҳсулотлари ишлаб чиқариш, қайта ишлаш ва жун олиш билан шуғулланувчи ташкилотлар учун солиқлар ва божхона бўйича имтиёзлар ва преферециялар қўллаш режалаштирилмоқда. Улардан ушбу фаолиятдан оладиган даромади улуши камида 60% бўлган ташкилотлар фойдаланишлари мумкин бўлади.
Сурат манбаи: https://www.diytrade.com/china/pd/11981130/Wet_salted_cow_hides.html
